2026 ஆம் ஆண்டு அபிவிருத்தித் திட்டத்தின் கீழ், கிழக்கு மாகாண நிதியத்தின் (EPC) கீழ் மாகாண வீதி அபிவிருத்தித் திணைக்களத்தால் இத்திட்டம் செயல்படுத்தப்படுகிறது. இத்திட்டத்தின் கீழ் கொக்கடிச்சோலை - அம்பிலந்துறை வீதி அபிவிருத்தி செய்யப்படும், மேலும் இந்த வீதியின் நீளம் 1500 மீட்டர் ஆகும்.
15 மில்லியன் ரூபாய் நிதி ஒதுக்கீட்டின் கீழ் செயல்படுத்தப்படும் இந்த வீதிப் பணிகளை முடிக்க 90 நாட்கள் அவகாசம் வழங்கப்பட்டுள்ளது.
இந்நிகழ்வில் மட்டக்களப்பு மாவட்ட பாராளுமன்ற உறுப்பினர் கந்தசாமி பிரபு அவர்களும் வீதி அபிவிருத்தி அதிகார சபையின் கிழக்கு மாகாண எந்திரி அவர்களும் கலந்து சிறப்பித்தனர்.
இந்த அபிவிருத்தித் திட்டம், அப்பகுதியில் வசிக்கும் மக்களின் போக்குவரத்து வசதிகளை மேம்படுத்துவதோடு, அப்பகுதியின் பொருளாதார மற்றும் சமூக அபிவிருத்திக்கு புதிய பலத்தையும் சேர்க்கும் என எதிர்பார்க்கப்படுகிறது.
