Breaking News

பெருமளவு வலம்புரி சங்குகளுடன் மட்டக்களப்பில் ஒருவர் கைது

மட்டக்களப்பு பொலிஸ் பிரிவுக்குட்பட்ட பகுதியில் வீதிச்சோதனை சாவடியில் பல இலட்சம் ரூபா பெறுதியான பெருமளவு வலம்புரி சங்குகளுடன் ஒருவர் கைதுசெய்யப்பட்டுள்ளார்.

மட்டக்களப்பு கல்லடி பாலத்திற்கு அருகில் உள்ள பொலிஸ் சாவடியில் வைத்து நீர்கொழும்பினை சேர்ந்த ஓருவரே இவ்வாறு கைதுசெய்யப்பட்டுள்ளார்.

மட்டக்களப்பு மாவட்ட பிரதிப்பொலிஸ் அத்தியட்சகர் எம்.என்.எஸ்.மெண்டிஸ்,மட்டக்களப்பு பிராந்திய பொலிஸ் அத்தியட்சகர் குமாரசிறி ஆகியோரின் நெறிப்படுத்தலின் கீழ் மட்டக்களப்பு பொலிஸ் தலைமைய பொறுப்பதிகாரி ஹெட்டியாராட்சின் வழிகாட்டலில் பொலிஸ் பரிசோதகர் பண்டார தலைமையிலான பொலிஸ் குழுவினர் இவற்றினை கைபற்றியுள்ளனர்.

இதன்போது பயணப்பையில் இருந்து 19 வலம்புரி சங்குகள் கைப்பற்றப்பட்டுள்ளதுடன் கைப்பற்றப்பட்ட வலம்புரி சங்குகள் வியாபார நோக்கில் நீர்கொழும்பில் இருந்து இங்கு கொண்டுவரப்பட்டுள்ளதாக பொலிஸார் தெரிவித்தனர்.

கைதுசெய்யப்பட்டவர்கள் தொடர்பில் தொடர்ந்து விசாரணைகள் முன்னெடுக்கப்படுவதுடன் நாளை கைதுசெய்யப்பட்டவரை நீதிமன்றில் ஆஜர்படுத்துவதற்கான நடவடிக்கைகள் முன்னெடுக்கப்பட்டுவருவதாகவும் பொலிஸார் தெரிவித்தனர்.







No comments