தனியார் பேருந்து தரிப்பிடத்தை நவீனமயப்படுத்து திட்டத்துக்கான ஒப்பந்தம் கைசாத்திடல்

(லியோன்)

மட்டக்களப்பு தனியார் பேருந்து தரிப்பிடத்தை நவீனமயப்படுத்து திட்டத்துக்கான ஒப்பந்தம் கைசாத்திடும் நிகழ்வு மட்டக்களப்பில் நடைபெற்றது .

 

நகர அபிவிருத்தி அதிகார சபையின் நிதி உதவியின் கீழ் மட்டக்களப்பு மாநகர சபையின் பங்களிப்புடன் மட்டக்களப்பு தனியார் பேருந்து நிலையத்தினை நவீன முறையில் நிர்மாணிப்பதற்கான ஒப்பந்தகரர்களுடனான ஒப்பந்தம் கைசாத்திடும் நிகழ்வு இன்று பிற்பகல் மட்டக்களப்பு தனியார் பேருந்து தரிப்பிடத்தில் நடைபெற்றது .

மட்டக்களப்பு தனியார் பேருந்து தரிப்பிடத்தை நவீன மயப்படுத்தும் திட்டத்தின் இவ்வருடத்தின் முதல் கட்ட நிர்மான பணிக்காக 4  கோடி ரூபாவும்  எதிர் வரும் ஆண்டில் 2  கோடி  ரூபாவும்  ஒதுக்கீடு செய்யப்பட்டு , சுமார் ஆறு கோடி ரூபா செலவில் இந்த தனியார் பேருந்து தரிப்பிடம் நிர்மாணிக்கப்படவுள்ளது

இந்த நிர்மான  பணிகளுக்காக ஒப்பந்தகாரர்களுடனான கைசாத்திடும் நிகழ்வில் மாநகர ஆணையாளர் கே .சித்திரவேல் , மாநகர பிரதி முதல்வர் .கே .சத்தியசீலன் , மாநகர பொறியியலாளர் ,மாநகர உறுப்பினர்கள் , தனியார் போக்குவரத்து திணைக்கள அதிகாரிகள் , நகர அபிவிருத்தி அதிகார சபை அதிகாரிகள் கலந்துகொண்டனர்