இளைஞர் யுவதிகளுக்கான முன்பிள்ளை பருவ அபிவிருத்தி தொடர்பான தெளிவூட்டும் விழிப்புணர்வு கருத்தரங்கு

(லியோன்)

தேசிய முன்பிள்ளை பருவ அபிவிருத்தி வாரத்தினை முன்னிட்டு  மட்டக்களப்பு மண்முனை வடக்கு பிரதேச செயலக பிரிவுக்குட்பட்ட இளைஞர் யுவதிகளுக்கான விழிப்புணர்வு கருத்தரங்கு இன்று இடம்பெற்றது .

மட்டக்களப்பு மண்முனை வடக்கு பிரதேச செயலக பிரிவுக்குட்பட்ட இளைஞர் யுவதிகளுக்கான முன்பிள்ளை பருவ அபிவிருத்தி தொடர்பான தெளிவூட்டும் விழிப்புணர்வு கருத்தரங்கு  மண்முனை வடக்கு பிரதேச செயலாளர்  வி . தவராஜா தலைமையில் இன்று மண்முனை வடக்கு பிரதேச செயலக மண்டபத்தில் இடம்பெற்றது . 

இந்நிகழ்வில் உரையாற்றிய பிரதேச செயலாளர் தெரிவிக்கையில்  தற்போதைய சமுதாயத்தில் நாளுக்கு நாள் பல்வேறுபட்ட பிரச்சினைகள் உருவாகிக்கொண்டு இருக்கின்றன . 

அந்த பிரச்சினைகள் கருவில் இருக்கின்ற குழந்தையில்  இருந்து முதியவர் வரை பல்வேறு பட்ட பிரச்சினைகளுக்கு உட்படுத்தப்பட்ட நிலையில் இருக்கின்றது  .

இதனை  சமுதாயத்தில் உள்ள  ஒவ்வொருவரும் எவ்வாறு  சீர் செய்யலாம் என்பது  தொடர்பாக  அரசாங்கம் பல்வேறு பட்ட செயல் திட்டங்களை மேற்கொண்டு வருகின்றது .

அந்த வகையில் முன்பிள்ளை பருவ அபிவிருத்தி வாரத்தினை  அனுஷ்டிப்பதன்  ஊடாக  சமுதாயத்தில் இளைஞர்கள் , வளந்தவர்கள் , தாய்மார்கள் ,குழந்தைகள் மத்தியில் முன்பிள்ளை பருவம் என்பது என்ன , அதை எவ்வாறு விருத்தி செய்ய வேண்டும் என்பது தொடர்பாக  விழிப்புணர்வுகள் மேற்கொள்ளப் பட்டு வருகின்றது .

அந்த வகையில் குடும்ப வாழ்க்கையில் இணைய இருக்கின்றவர்கள் , குடும்பத்தோடு ஒன்றாய் வாழ்கின்றவர்கள் இந்த முன்பிள்ளைப்பருவ அபிவிருத்தியிலே இளைஞர் யுவதிகளை எவ்வாறு இணைத்துக்கொள்ளலாம்  என்பது தொடர்பாக விழிப்புணர்வுகளை  ஏற்படுத்தும் நோக்கில் மண்முனை வடக்கு பிரதேச செயலக பிரிவுக்குட்பட்ட இளைஞர் யுவதிகளுக்கு  தெளிவூட்டும் கருத்தரங்காக    இன்று  இந்த  கருத்தரங்கு  இடம்பெறுவதாக தெரிவித்தார் .

இந்நிகழ்வில்  வளவாளராக  முன்பிள்ளை  பருவ அபிவிருத்தி உதவி கல்வி பணிப்பாளர்  எம் .புவிராஜ்  கலந்துகொண்டதுடன்  இந்நிகழ்வில்    மண்முனை வடக்கு  முன்பிள்ளை பருவ அபிவிருத்தி உத்தியோகத்தர்  இ .  மேகராஜ்  , மண்முனை வடக்கு சிறுவர் மேம்பாட்டு உத்தியோகத்தர்  எஸ் . உதயராஜ் , மண்முனை வடக்கு இளைஞர் சேவைகள் மன்ற அதிகாரி திருமதி .பி .பிரியதர்சினி மற்றும் மண்முனை வடக்கு பிரதேச செயலைக  இளைஞர் சேவைகள் மன்ற அங்கத்துவ இளைஞர் ,யுவதிகள்  ஆகியோர் கலந்துகொண்டனர் .