மட்டக்களப்பு போதனா வைத்தியசாலையின் கழிவறையில் ஆணின் சடலம் மீட்பு

மட்டக்களப்பு போதனா வைத்தியசாலையில் கழிவறையொன்றிலிருந்து தூக்கில் தொங்கிய நிலையில் சடலமொன்று மீட்கப்பட்டுள்ளது.

மட்டக்களப்பு போதனா வைத்தியசாலையின் விடுதியொன்றில் சிகிச்சைபெற்றுவந்த வவுணதீவு,நாவற்காட்டை சேர்ந்த சி.தட்சனாமூர்த்தி(44வயது) என்பவரே இவ்வாறு சடலமாக மீட்கப்பட்டுள்ளார்.

வைத்தியசாலையின் விடுதியில் கழுத்தில் சுருக்கிட்ட நிலையில் குறித்த சடலம் மீட்கப்பட்டுள்ளதாக பொலிஸார் தெரிவித்தனர்.

இது தொடர்பான விசாரணைகளை மட்டக்களப்பு பொலிஸார் முன்னெடுத்துவருகின்றனர்.