News Update :
Home » » சமுர்த்தி பயனாளிகளின் சௌபாக்கியா கண்காட்சியும் விற்பனையும்

சமுர்த்தி பயனாளிகளின் சௌபாக்கியா கண்காட்சியும் விற்பனையும்

Penulis : Anthony Leon raj on Thursday, April 12, 2018 | 6:40 AM


(லியோன்)

சித்திரை  புதுவருடத்தை  முன்னிட்டு சமுர்த்தி பயனாளிகளின் உற்பத்திகளின் சமுர்த்தி சௌபாக்கியா சந்தைப்படுத்தல் கண்காட்சியும் விற்பனையும் மட்டக்களப்பில் நடைபெற்றது
 
சமுர்த்தி தொழில் முயற்சியாளர்களின் உற்பத்திகளை சந்தைப்படுத்தல்,  தொழில் முயற்சிகளுக்கான  ஊக்குவிப்பு ,வெற்றிகரமான வர்த்தக சமூகம் ஒன்றினை உருவாகுதல், சந்தைப்படுத்தல் திறமை , தொழில் முயற்சியாளர்களின் ஆற்றல்களை மேம்படுத்தல் மற்றும் புதிய சந்தை வாய்ப்புக்களை  இனங்காண்பது தொடர்பாக சமுர்த்தி திணைக்களத்தினால் நாடளாவிய ரீதியில் சமுர்த்தி பயனாளிகளின் உற்பத்தி பொருட்களை  சந்தைப்படுத்தம்  சமுர்த்தி சௌபாக்கியா வேலைத்திட்டங்களை நடைமுறைப் படுத்தப்பட்டு வருகின்றன .

இதன்கீழ் தமிழ் சிங்கள சித்திரை புதுவருட நிகழ்வை முன்னிட்டு மட்டக்களப்பு மண்முனை வடக்கு பிரதேச செயலக பிரிவில் உள்ள சமுர்த்தி பயனாளிகளின் உற்பத்தி பொருட்களை சந்தைப்படுத்தும் சமுர்த்தி சௌபாக்கியா கண்காட்சியும் விற்பனையும் கல்லடி பால சந்தையில் நடைபெற்றது .

பிரதேச செயலாளர் கே .குணநாதன் தலைமையில் நடைபெற்ற  நிகழ்வில் மட்டக்களப்பு  மண்முனை வடக்கு பிரதேச செயலக  சமுர்த்தி முகாமைத்துவ பணிப்பாளர்கள்  ,பொருளாதார அபிவிருத்தி உத்தியோகத்தர்கள் , சமுர்த்தி வலய வங்கி உத்தியோகத்தர்கள் , சமுர்த்தி உத்தியோகத்தர்கள் ,சமுர்த்தி பயனாளிகள்  என பலர் கலந்துகொண்டனர்










     
  

Share this article :

Post a Comment

 
Design Template by panjz-online | Support by creating website | Powered by Blogger