News Update :
Home » » முதலாம் தரத்திற்கு மாணவர்களை வரவேற்கும் நிகழ்வு

முதலாம் தரத்திற்கு மாணவர்களை வரவேற்கும் நிகழ்வு

Penulis : Anthony Leon raj on Monday, January 15, 2018 | 6:08 AM

(லியோன்)

கல்வி அமைச்சின் பணிப்புரைக்கு அமைவாக   முதலாம் தரத்திற்கு மாணவர்களை  இணைத்துக்கொள்ளும் நிகழ்வுகள்  இன்று  நாடளாவிய ரீதியில் பாடசாலைகளில் நடைபெற்றது


இதற்கு அமைய  மட்டக்களப்பு மாவட்டத்தில் உள்ள  பாடசாலைகளுக்கு முதலாம் தரத்துக்கு மாணவர்களை இணைத்துக்கொள்ளும்  நிகழ்வுகள் இடம்பெற்று வருகின்றன .

இதன் கீழ் மட்டக்களப்பு கல்வி வலயத்திற்குட்பட்ட மண்முனை வடக்கு கல்வி கோட்டத்தின்   மட்டக்களப்பு கல்லடி உப்போடை விவேகானந்தா மகளிர் வித்தியாலயத்திற்கு முதலாம் தரத்திற்கு  மாணவர்களை வரவேற்கும் நிகழ்வு வித்தியாலய அதிபர் திருமதி ஹரிதாஸ் தலைமையில்  நடைபெற்றது  .

நிகழ்வில் தரம் 02 மாணவர்கள்  முதலாம் தரத்திற்கு  வருகை தந்த புதிய மாணவர்களை மலர் மாலை அணிவித்து வரவேற்றதுடன் மாணவர்களின் வரவேற்பு கலை நிகழ்வுகளும்  பாடசாலை மண்டபத்தில் இடம்பெற்றது  .

இந்நிகழ்வில் மண்முனை வடக்கு கோட்டக்கல்விப் பணிப்பாளர்  கே .அருள்பிரகாசம் ,  உதவிக் கல்விப்பணிப்பாளர் (உடற்கல்வி) வி .லவக்குமார்  , பாடசாலை பழைய மாணவர் சங்க செயலாளர் திருமதி செல்வி மனோகரன் , ஓய்வுநிலை வங்கி முகாமையாளர்  பாஸ்கரன்  மற்றும் பாடசாலை ஆசிரியர்கள் ,மாணவர்கள் ,பெற்றோர்கள் என பலர் கலந்துகொண்டனர் .


இந்நிகழ்வில் பாடசாலை கல்வி  சமூகத்தினரினால்  ஓய்வுநிலை வங்கி முகாமையாளர் கே .பாஸ்கரன் கௌரவிக்கப்பட்டமை குறிப்பிடத்தக்கது 










Share this article :

Post a Comment

 
Design Template by panjz-online | Support by creating website | Powered by Blogger