சிறுவர் சபை சிறார்களுக்கான தலைமைத்துவ பயிற்சி பட்டறை

(லியோன்)

மாவட்ட சிறுவர் சபை மற்றும் பிரதேச செயலக சிறுவர் சபை மாணவ சிறார்களுக்கான தலைமைத்துவ தொடர்பான பயிற்சி பட்டறை (15) மட்டக்களப்பில் நடைபெற்றது

மட்டக்களப்பு மாவட்ட செயலக சிறுவர் உரிமை மேம்பாட்டு உத்தியோகத்தர் வி . குகதாசன் ஒழுங்கமைப்பில் மாவட்ட சிறுவர் சபை மற்றும் 14  பிரதேச செயலக பிரிவுகளின் சிறுவர் சபை மாணவ சிறார்களின்  ஒற்றுமைக்கான  தலைமைத்துவம் ,அணியாக செயற்பட வேண்டிய விடயங்கள் உள்ளடக்கியதாக மாணவ சிறார்களுக்கான  பயிற்சி பட்டறை மாவட்ட செயலகத்தில் நடைபெற்றது .

நடைபெற்ற பயிற்சி பட்டறையில் மாவட்ட சிறுவர் பாதுகாப்பு,  சிறுவர்களது பிரச்சினை , மற்றும் அபிவிருத்திசார் வேலைத்திட்டங்கள் தொடர்பாகவும் கலந்துரையாடப்பட்டது .

இந்த பயிற்சி பட்டறையில் வளவாளராக நன்னடத்தை சிறுவர் பராமரிப்பு  திணைக்கள பணிப்பாளர் தாசன் கலந்துகொண்டார்

பயிற்சி பட்டறையில் 14  பிரதேச செயலக  பிரிவுகளின் சிறுவர் சபை மாணவ சிறார்கள் , பிரதேச செயலக சிறுவர் உரிமை மேம்பாட்டு உத்தியோகத்தர்கள் கலந்துகொண்டனர்