(லியோன்)
மட்டக்களப்பு மகாஜன
கல்லூரியில் கடமையாற்றும் ஆசிரியர் ஒருவரை பாடசாலை அபிவிருத்தி குழு செயலாளர்
தாக்கியதாக தெரிவித்து இன்று மேற்கொள்ளப்படவிருந்த ஆர்பாட்டம் கைவிடப்பட்டுள்ளதாக இலங்கை ஆசிரியர் சங்கத்தின் பொதுச்செயலாளர் தெரிவித்தார்
.
முறைப்பாட்டை
தொடர்ந்து குறித்த நபரை பொலிசாரினால் கைதுசெய்யப்படாததை கண்டித்து இலங்கை ஆசிரியர் சங்கத்தின் ஏற்பாட்டில்
சங்கத்தின் பொதுச்செயலாளர் ஜோசப் ஸ்டேன்லி
தலைமையில் இன்று மதியம் ஒரு மணியளவில் மட்டக்களப்பு மகாஜன கல்லூரிக்கு முன்பாக கண்டன
ஆர்ப்பாட்டம் மேற்கொள்ளப்படவிருந்த நிலையில்
குறித்த நபர் இன்று காலை மட்டக்களப்பு
பொலிசாரினால் கைதுசெய்யப்பட்டுள்ளார் .
குறித்த சம்பவம்
தொடர்பில் இலங்கை ஆசிரியர் சங்கத்தினால் ஏற்பாடு
செய்யப்பட்டிருந்த கண்டன ஆர்பாட்டம் இடம்பெறவிருந்த இடத்திற்கு வருகைதந்த
மட்டக்களப்பு பொலிஸ் நிலைய பொறுப்பதிகாரி ஹெட்டிஹாரச்சி குறித்த நபர் பொலிசாரினால் கைதுசெய்யப்பட்டு
மட்டக்களப்பு நீதவான் நீதிமன்றத்தில் ஆஜர் படுத்தப்படவுள்ளதாக தெரிவித்து பொலிஸ் நிலைய பொறுப்பதிகாரி வழங்கிய
உறுதிமொழிக்கு அமைய ஆர்பாட்டம் கைவிடப்பட்டுள்ளதாக இலங்கை ஆசிரியர் சங்கத்தின்
பொதுச்செயலாளர் ஜோசப் ஸ்டேன்லி
தெரிவித்தார் .