News Update :
Home » » சுயதொழில் முயற்சியாளர்களுக்கான சுயதொழில் உபகரணங்கள் வழங்கும் நிகழ்வு.

சுயதொழில் முயற்சியாளர்களுக்கான சுயதொழில் உபகரணங்கள் வழங்கும் நிகழ்வு.

Penulis : Anthony Leon raj on Tuesday, February 16, 2016 | 8:05 AM

(என்டன் )

மட்டு-மாவட்டத்தின்   நான்கு  பிரதேச செயலாளர் பிரிவுகளில் இருந்து தெரிவு செய்யப்பட   சுயதொழில் முயற்சியாளர்களுக்கான சுயதொழில் உபகரணங்கள் வழங்கும்  நிகழ்வு.


மட்டக்களப்பு மாவட்டத்தில் சுயதொழில் உற்பத்தியாளர்களின் வாழ்வாதாரத்தை  மேம்படுத்தும்  நோக்குடன் பல  ஊக்குவிப்பு உதவி திட்டங்கள் மேற்கொள்ளப்பட்டு  வருகின்றன .

இதன் கீழ் கிழக்கு மாகாணசபை  உறுப்பினர் ஷிப்லி பாறுக்கின்  2015 ஆம் ஆண்டுக்கான   மாகாணசபையின் பன்முகப்படுத்தப்பட்ட  நிதியிலிருந்து வறுமை  கோட்டின்கீழ் வாழுகின்ற மக்களின் வாழ்வாதாரத்தை  மேம்படுத்துவதற்கான வாழ்வாதார சுயதொழில்  ஊக்குவிப்பு திட்டத்தின் சுயதொழில் உபகரணங்கள்  வழங்கப்பட்டது .

மட்டக்களப்பு மாவட்டத்தின்  வெல்லாவெளி ,ஆரையம்பதி , காத்தான்குடி , மண்முன வடக்கு ஆகிய  நான்கு  பிரதேச செயலாளர் பிரிவுகளில் இருந்து தெரிவு செய்யப்பட   சுயதொழில் முயற்சியாளர்களுக்கான சுயதொழில் உபகரணங்கள் வழங்கும்  நிகழ்வு முன்னால் நகர பிதா அல்-ஹாஜ் மர்சூக் அகமட் லெப்பை தலைமையில்  காத்தான்குடி  ஹிபுல்லா கலாசார மண்டபத்தில் இன்று இடம்பெற்றது .

இதன் போது சுயதொழில் முயற்சியாளர்களுக்கு தையல் இயந்திரங்கள் , உணவு உற்பத்தி செய்பவர்களுக்கான ஏறி வாய்வு அடுப்புகள் அதனுடன் உணவு தயாரிக்கும் உபகரணங்கள், துவிச்சக்கர வண்டிகள் போன்ற சுயதொழிலுக்கான உபகரணங்கள் வழங்கப்பட்டது .

 இந்நிகழ்வில் ஸ்ரீ  லங்கா முஸ்லிம் காங்கிரஸ் தேசிய கொள்கைப் பரப்பு செயலாளர் அல்-ஹாஜ் யு .எல் .எம் . என் . முபீன் , காத்தான்குடி பிரதேச செயலாளர்  எஸ் .எச் . முஸம்மில் , மட்டக்களப்பு மாவட்ட சமூக சேவை உத்தியோகத்தர்  எஸ் . அருள்மொழி , மண்முனை வடக்கு பிரதேச செயலக கிராம சேவை நிர்வாக உத்தியோகத்தர்  .எஸ் .தில்லைநாதன் மற்றும்  கிராம சேவை உத்தியோகத்தர்கள் , சமுர்த்தி உத்தியோகத்தர்கள் பயனாளிகள் ஆகியோர் கலந்துகொண்டனர் .

























Share this article :

Post a Comment

 
Design Template by panjz-online | Support by creating website | Powered by Blogger