News Update :
Home » » மட்டக்களப்பு மாணவி துஸ்பிரயோக வழக்கு 19ஆம் திகதி ஒத்திவைப்பு

மட்டக்களப்பு மாணவி துஸ்பிரயோக வழக்கு 19ஆம் திகதி ஒத்திவைப்பு

Penulis : kirishnakumar on Monday, February 8, 2016 | 3:27 AM

மட்டக்களப்பு கல்வி வலயத்திற்குட்பட்ட பாடசாலையொன்றில் மாணவி ஒருவர் துஸ்பிரயோகத்திற்குள்ளானதாக சந்தேகத்தின் பேரில் கைதுசெய்யப்பட்ட ஆசிரியரை இடமாற்றம் செய்யுமாறு மட்டக்களப்பு கல்வி வலயத்திற்கு மட்டக்களப்பு நீதிவான் நீதிமன்றம் உத்தரவிட்டுள்ளது.

மட்டக்களப்பு புறநகர் பகுதியில் உள்ள பாடசாலையொன்றில் மாணவி ஒருவர் துஸ்பிரயோகத்திற்குட்படுத்தப்பட்டதாக கூறி கடந்த மாதம் 26ஆம் திகதி ஆர்ப்பாட்டம் மேற்கொள்ளப்பட்டது.

இதனைத்தொடர்ந்து குறித்த பாடசாலையின் ஆசிரியர் சந்தேகத்தின் பேரில் கைதுசெய்யப்பட்டிருந்த நிலையில் 08ஆம் திகதி வரையில் விளக்கமறியலில் வைக்கப்பட்டிருந்தார்.

எனினும் கடந்த இரண்டாம் திகதி 08ஆம் ஆசிரியரின் உறவினர்களினால் பிணை அனுமதி விடுக்கப்பட்டு இரண்டு சரீரப்பிணையில் விடுவிக்கப்பட்டிருந்தார்.

இந்த நிலையில் இதன் வழக்கு இன்று எடுத்துக்கொள்ளப்பட்டபோது துஸ்பிரயோகத்திற்குள்ளானதாக தெரிவிக்கப்படும் மாணவியின் சட்ட வைத்திய பரிசோதனை அறிக்கை நீதிமன்றில் சமர்ப்பிக்கப்பட்டது.

இது தொடர்பில் ஆராய்ந்த மட்டக்களப்பு மாவட்ட நீதிபதியும் நீதிவான் நீதிமன்ற பதில் நீதிபதியுமான எம்.பி.முகைதீன் வழக்கினை எதிர்வரும் 19ஆம் திகதி வரை ஒத்திவைத்துள்ளதுடன் குறித்த ஆசிரியரை வேறு வலயத்திற்கு இடமாற்றுமாறும் உத்தரவு பிறப்பித்துள்ளார்.





Share this article :

+ comments + 4 comments

February 8, 2016 at 5:26 AM

இந்தச் செய்தி பக்கச்சார்பானது
இன்று நீதிமன்றத்தில் வேறு வலயத்துக்கு ஆசிரியரை இடமாற்றக்கூறவில்லை
வேறு பாடசாலை என்றே கூறப்பட்டது
அத்துடன் வைத்திய அறிக்கை ஆசிரியர் குற்றமற்றவர் என மிகத்தெளிவாக கூறுகின்றது
அத்துடன் மாணவி தனது வாக்குமூலத்தில் முன்னுக்குப்பின் முரணான தகவல் கூறியுள்ளதையும் நீதிபதி எச்சரித்தார்
அதையெல்லாம் ஏன் தாங்கள் பிரசுரிக்கவில்லை?
விடயங்களை நீதிமன்றத்திடம் வினவிப்பெற்றுக்கொள்ள முடியும்
தயவு செய்து தங்கள் செய்தியின் நம்பகத்தன்மையை உறுதிப்படுத்தவும்

February 8, 2016 at 9:36 AM

பின்னூட்டல் இடுபவருக்கும் பெண்பிள்ளை இருந்தால் அதன் வலி புரியும். நான் அம்மாணவியின் தந்தையாக இருந்திருந்தால் மனநிலை எப்படியிருக்கும் என்று ஒரு கணம் சிந்தியுங்கள் வலியின் ஆழம் புரியும்.

February 8, 2016 at 9:39 AM

அவர் செய்தது உறுதிப்படுத்தப்பட்டால் மக்கள் தண்டனை வழங்கமுடியும். அல்லது அரசபணி நிறுத்தப்பட வேண்டும். இருக்க வேண்டியவர்கள் இருந்தால் தெரிந்திருக்கும் என்ன தண்டனை வழங்கியிருப்பார்கள்.

February 8, 2016 at 9:04 PM

அம்மாணவி துஷ்பிரயோகப்படுத்தப்படவே இல்லை
வைத்திய அறிக்கை கூறுகின்றது
பாடசாலையில் ஆசிரியருக்கு எதிராக நடந்த சதியே இதுவாகும்
உண்மை நிலை புரியாமல் பதிவுகள் இடப்படுகின்றன
உண்மையில் துஷ்பிரயோகம் நடந்திருந்தால் ஆசிரியரை தூக்கிலிட வேண்டும்
ஆனால் அப்பாவி மாணவியை பயன்படுத்தி பாடசாலையில் இவருக்கு எதிராக மற்றைய ஆசிரியர்களும் A/L மாணவர்களும் செய்த சதி என்பது ஏன் உங்களுக்கு புரியவில்லை?
உங்கள் தந்தை அப்பாவியாக இருந்து இவ்வாறான பொய்ப்பழி சுமத்தப்பட்டால் என் மனநிலை. , வலியின் ஆழம் என்பன உங்களுக்கு புரியும்
நீதிமன்றம் என்பது சும்மா எங்கள் வீட்டு முற்றம் இல்லை
நடுநிலமையாக அனைத்தையும் விசாரித்து ஆசிரியரில் பாரதூரமான பழி இல்லை என்பதை உறுதி செய்த பின்னரே பிணை வழங்கியது
உண்மை என்ன என்பது விரைவில் நீதிமன்றத்தின் தீர்ப்பு மூலம் தெரியவரும்
இருக்க வேண்டியவர்கள் இருந்திருந்தல் இப்போதே உண்மையை கண்டுபிடித்து சதித்திட்டம் தீட்டிய. அந்த ஆசிரியையை கொன்றிருப்பர்

ஒரு விடயத்தை பற்றி ஒன்றையும் ஒழுங்காக அறியாமல் கதைப்பது நம்மவர்களின் வழக்கமாகி விட்டது
நீங்கள் அப்பாவி ஆசிரியரை தூற்றும் ஒவ்வொரு சொல்லுக்கும் கடவுளிடம் கணக்கு கூறவேண்டும் என்பதை மறவாதீர்கள்

Post a Comment

 
Design Template by panjz-online | Support by creating website | Powered by Blogger