அம்பாறை மாவட்டம், திருக்கோவில் பிரதேசத்தின் சுற்றுச்சூழல் மற்றும் சமூக நலனைப் பாதுகாக்கும் நோக்கில், கனிய மணல் அகழ்வுக்கு எதிராக தமது நிலைப்பாட்டை திருக்கோவில் உதயசூரியன் விளையாட்டுக் கழகம் பகிரங்கமாக அறிவித்துள்ளது.
திருக்கோவில் உதயசூரியன் விளையாட்டுக் கழகம் விளையாட்டு நடவடிக்கைகளில் மாத்திரம் கவனம் செலுத்தும் அமைப்பாக இல்லாமல், திருக்கோவில் பிரதேசத்தின் சமூக நலனிலும் அக்கறை கொண்டுள்ள கழகமாக செயற்பட்டு வருவதாக அதன் தலைவர் தெரிவித்துள்ளார்.
இந்நிலையில், திருக்கோவில் பிரதேசத்தின் இயற்கை வளங்களுக்கு பாதிப்பை ஏற்படுத்தக்கூடிய கனிய மணல் அகழ்வுடன் தொடர்புடைய நிறுவனங்கள் பல்வேறு பெயர்களில் சமூக அமைப்புகள் மற்றும் விளையாட்டுக் கழகங்களின் ஊடாக தமது நோக்கங்களை முன்னெடுக்க முயற்சிப்பதாக கழகம் தெரிவித்துள்ளது.
இதன் காரணமாக, கனிய மணல் அகழ்வில் ஈடுபடும் நிறுவனங்களின் அனுசரணையுடன் நடத்தப்படும் சுற்றுப்போட்டிகளில் தமது கழகம் பங்கேற்காது என உதயசூரியன் விளையாட்டுக் கழகம் பகிரங்கமாக அறிவித்துள்ளது.
மேலும், சுற்றுச்சூழலைப் பாதுகாப்பது எதிர்கால சமூக நலனை உறுதிப்படுத்தும் எனவும், ஒவ்வொருவரும் சமூகப் பொறுப்புடன் செயற்பட்டால் சமூகத்தின் நலனும் வளர்ச்சியும் உறுதி செய்யப்படும் எனவும் கழகம் வலியுறுத்தியுள்ளது.
“சுற்றுச் சூழலை காப்பதே எதிர்கால சமூக நலனை உறுதிப்படுத்தும்” என்ற நிலைப்பாட்டுடன் இந்த அறிவிப்பு வெளியிடப்பட்டுள்ளது.
.jpeg)
.jpeg)
