இக்கலந்துரையாடலின் போது பாராளுமன்ற உறுப்பினர் P.சத்தியலிங்கம் அவர்களினால் முன்வைக்ப்பட்ட விடயமான அனர்த்தம் நிகழும் போது ஒவ்வொரு பிரதேச செயலகத்திற்கும் இராணுவ அதிகாரி ஒருவரை நியமித்தல் வேண்டும். குறித்த இராணுவ அதிகாரியை நியமிக்கும் பட்சத்தில் முப்படையினரால் செய்யக்கூடிய அனைத்து உயிர்க்காப்பு விடயங்களையும் இலகுவாக கையாளக்கூடியவாறு இருக்கும். ஆகவே கட்டாயம் இராணுவ அதிகாரி ஒருவரை நியமிக்க வேண்டும் என தெரிவித்தார்.
மேலும் இரா. சாணக்கியன் அவர்களினால் அனர்த்த நிலைமையின் போது அனர்த்தத்தினால் பாதிக்கப்பட்ட மக்களுக்கு தேவையான அவசரமான பொருட்களை கொள்வனவு செய்வதற்கு அதிகாரத்தினை மாவட்ட செயலாளர் மற்றும் பிரதேச செயலாளர்களுக்கு வழங்கும் படியும், அதற்கான சுற்றுநிருபத்தினை ஜனாதிபதி அவர்களை வெளியிடுமாறு கேட்டுக்கொண்டதுடன், மக்களுக்கான நிவாரண சேவையினை முன்னெடுப்பதற்காக மூன்று வகையான நிவாரணத் திட்டங்கள் முன்வைக்கப்பட்டது. இதன்போது ஜனாதிபதியினல் மூன்று கட்டங்களாக நிவாரணம் வழங்கி வைக்கப்படவுள்ளதாக தெரிவித்தார். முகாம்களில் இடம்பெயர்ந்துள்ளவர்களுக்கு இராணுவத்தினரால் சமைத்த உணவும், பின்னர் உலர் உணவும் வழங்குவதாகவும், உறவினர் வீட்டில் உள்ளவர்களுக்கு உலர் உணவு வழங்குவதாகவும், தங்களின் வீட்டில் உள்ளவர்களுக்கு சமைத்த உணவு வழங்குவதாகவும் தெரிவித்தார். ஆனால் இதனை நடைமுறைப்படுத்துவதில் சிக்கல்கள் உள்ளமையினால் நான் மேற்கூறிய விடயத்திற்கும், நிவாரணம் வழங்குவதற்கும் சேர்த்து அதிகாரபூர்வமாக எழுத்துமூல சுற்றறிக்கையினையோ அல்லது வர்த்தமானியையோ வெளியிட வேண்டும். அப்போது தான் அரச அதிகாரிகள் சுதந்திரமாக பணியினை செய்ய முடியும்.
மேலும், தற்போதுள்ள தேசிய மக்கள் சக்தி பாராளுமன்ற உறுப்பினர்களுக்கு அனர்த்த முன்னாயத்தம்தொடர்பாக அனுபவம் போதாமையின் காரணமாக ஆளுங்கட்சி எதிர்க்கட்சி எனும் பாகுபாடன்றி மக்களுக்கு தேவையான உதவிகளை அனுபவம் வாய்ந்தவர்களைக் கொண்டு அரச அதிகாரிகள் முன்னெடுக்க வேண்டும் எனவும், இரண்டு நாட்களாக பல பிரதேசங்களில் மின்சாரம் தடைப்பட்டுள்ளது. இதனால் அனைத்து தகவல் பெறும் நிலையும் துண்டிக்கப்பட்டுள்ளது. இதனையும் மிக விரைவாக சீர்செய்ய வேண்டும் என தெரிவித்தார்.
.jpeg)
