மட்டக்களப்பு வாழைச்சேனை பொலிஸ் பிரிவில் மாமனரை பொல்லால் தாக்கி கொலை செய்த மருமகன் கைது செய்யப்பட்டுள்ளார்.இந்தச் சம்பவம் நேற்று செவ்வாய்க்கிழமை மட்டக்களப்பு மாவட்டத்தின் வாழைச்சேனை பொலிஸ் பிரிவிலுள்ள கிரான்,சின்னவேம்பு பிரதேசத்தில் இடம்பெற்றுள்ளது.
சின்னவேம்பு பிரதேசத்தைச் சோந்த 66 வயதுடைய பொடி எட்வேட் போஸ் என்பவரே இவ்வாறு உயிரிழந்துள்ளார்
குறித்த நபரின் மகளுக்கும் மருமகனுக்கும் இடையே நேற்று பகல் வாக்குவாதம் ஏற்பட்டது. மகளை மருமகன் தாக்கியமையைக் கண்ட அவர் ஏன் தாக்குகிறாய் என கேட்டுள்ளார். அதனால் கோபமுற்ற மருமகன் அவர் தலை மீது பொல்லால் தாக்குதல் நடாத்தியதையடுத்து அவர் உயிரிழந்துள்ளார் .
இதனையடுத்து தாக்குதலை நடாத்தியவரை பொலிஸார் கைது செய்துள்ளனர்.
இது தொடர்பான மேலதிக விசாரணைகளை வாழைச்சேனை பொலிஸார் மேற்கொண்டுவருகின்றனர்.
