ஜனாதிபதியின் வருகைக்கு எதிரான ஆர்ப்பாட்டம் -தீர்ப்புக்காக ஒத்திவைப்பு

மட்டக்களப்பு மாவட்டத்திற்கு ஜனாதிபதி ரணில் விக்ரசிங்க வருகைதந்தபோது மயிலத்தமடு மாதவனை பிரச்சினைக்கு நீதி கோரி ஆர்ப்பாட்டத்தில் ஈடுபட்டவர்கள் அங்கு செய்தி சேகரிக்க சென்ற இரண்டு ஊடகவியலாளர்களுக்கு எதிராக தொடரப்பட்ட வழக்கு தீர்ப்புக்காக ஒத்திவைப்பட்டுள்ளது.கடந்த ஆண்டு ஒக்டோபர் 8ம் திகதி மட்டக்களப்பு - செங்கலடி பகுதிக்கு ஜனாதிபதியின் வருகையின் போது கொம்மாதுறை பகுதியில் - மயிலத்தமடு மாதவனை மேச்சல்தரை பிரச்சினைக்கு தீர்வு கோரி வீதியை மறித்து ஆர்ப்பாட்டத்தில் ஈடுபட்ட குற்றச்சாட்டில் முன்னாள் பாராளுமன்ற உறுப்பினர்கள், பண்ணையாளர்கள் , சிவில் சமூக செயற்பாட்டாளர்கள், காணாமல் ஆக்கப்பட்டோர் சங்க உறுப்பினர்கள் மற்றும் ஊடகவியலாளர்கள் உள்ளிட்ட 37 பேருக்கு எதிரான வழக்கு இன்று ஏறாவூர் சுற்றுலா நீதிமன்றத்தில்  எடுத்துக்கௌ;ளப்பட்டது.

ஏறாவூர் சுற்றுலா நீதிமன்ற பதில் நீதவான் வி.தியாகேஸ்வரன்  முன்னிலையில் இடம்பெற்ற வழக்கு மேலும் 2 நாட்கள் கட்டளைக்காக ஒத்தி வைக்கப்பட்டுள்ளதுடன்,குறித்த வழகானது தீர்ப்புக்காக எதிர்வரும் 20ம் திகதி  எடுத்துக் கொள்ளப்படவுள்ளதாக இங்கு தெரிவிக்கப்பட்டது.