பொலிஸ் மா அதிபர் தேசபந்து தென்னகோனின் பணிப்புரையின் கீழ் யுக்திய போதையொழிப்பு திட்டத்தின் கீழ் காத்தான்குடி பொலிஸார் மேற்கொண்ட திடீர் சுற்றி வளைப்பின் போது 735 மதன் மோதக காம லேகிய பக்கெட்டுகளுடன் 35 வயதுடைய நபரொருவர் கைது செய்யப்பட்டுள்ளதாக காத்தான்குடி பொலிஸார் தெரிவித்தனர்.வாகனங்களின் டயர்களுக்கு பஞ்சர் போடும் வாகன மொன்றியல் குறித்த போதை லேகியம் எடுத்து வரப்பட்ட போதே கைது செய்யப்பட்டுள்ளதாக தெரிவித்தனர்.
காத்தான்குடி டெலிகொம் வீதியில் இன்று(17) காலை புலனாய்வு பிரிவினருக்கு கிடைத்த தகவல் ஒன்றின் அடிப்படையிலேயே குறித்த நபர் கைது செய்யப்பட்டார்.
கைதான நபரிடமிருந்து 735:லேகிய பாக்கெட்டுகள் மீட்கப்பட்டுள்ளதுடன் வாகனமும் மீட்கப்பட்டுள்ளது.
குறித்த நபர் மட்டக்களப்பு நீதவான் நீதிமன்றத்தில் ஆஜர் படுத்தப்பட உள்ளதாக தெரிவித்த பொலிஸார் மேலதிக விசாரணைகளை மேற்கொண்டு வருகின்றனர்.
இதே வேளை கடந்த இரு நாட்களில் மேற்கொள்ளப்பட்ட தேடுதல் நடவடிக்கையின் போது ஐஸ் மற்றும் ஹெரோயின்இ கேரளா கஞ்சாவுடன் 10 பேர் கைது செய்யப்பட்டுள்ளதாகவும் பொலிசார் மேலும் தெரிவித்தனர்.
.jpeg)
