மட்டக்களப்பு திசவீரசிங்கம் சதுக்கம் பகுதியில் இன்று 11கொரனா தொற்றாளர்கள் இனங்காணப்பட்டதை தொடர்ந்து இந்த வீதிகள் முடக்கப்பட்டன.
நேற்று மட்டக்களப்பு போதனா வைத்தியசாலைக்கு சென்ற குறித்த பிரதேசத்தினை சேர்ந்த ஒருவர் கொரனா தொற்றாளராக இனங்காணப்பட்டதை தொடர்ந்து இன்று அவருடன் தொடர்புடைய 24பேர் அன்டிஜன் பரிசோதனைகளுக்குட்படுத்தப்பட்டனர்.
இதில் மேலும் 11பேர் கொரனா தொற்றுக்குள்ளானது உறுதிப்படுத்தப்பட்டதை தொடர்ந்து அவர்குடும்பத்தினர் வசித்த மற்றும் அவர்களுடன் தொடர்புகளைப்பேணிய 40 குடும்பங்கள் தனிமைப்படுத்தப்பட்டுள்ளன.
அத்துடன் திசவீரசிங்கம் சதுக்கத்தின் மேற்கு வீதியில் உள்ள மூன்று குறுக்கு வீதிகள் இன்று காலை முதல் தனிமைப்படுத்தப்பட்டுள்ளதுடன் அப்பகுதியில் இராணுவத்தினரும் பொலிஸாரும் பாதுகாப்பு கடமையில் ஈடுபடுத்தப்பட்டுள்ளனர்.
