கிழக்கு மாகாணத்தில் உள்ள வெற்றிடங்களுக்கு நியமியுங்கள் -வேலையற்ற பட்டதாரிகள் கோரிக்கை
எதிர்வரும் காலத்தில் உள்வாரி வெளிவாரி என்ற வேறுபாடு இல்லாமல் அனைத்து பட்டதாரிகளுக்கும் நியமனங்கள் வழங்கும் நிலைப்பாட்டில் ஜனாதிபதி உள்ளதாகவும் அவர் தெரிவித்தார்.
வேலையற்ற பட்டதாரிகளின் கையெழுத்துப்பெறும் போராட்டத்தின் இறுதிநாளான இன்று தமிழ் மக்கள் விடுதலைப்புலிகள் கட்சியின் பொதுச்செயலாளர் பூ.பிரசாந்தன் கலந்துகொண்டு பட்டதாரிகளுடன் பேச்சுவார்த்தைகளை நடாத்தினார்.
கடந்த செவ்வாய்க்கிழமை தமக்கான தொழில் உரிமையினை வலியுறுத்தி மட்டக்ககளப்பு மாவட்ட வேலையற்ற பட்டதாரிகள் கையெழுத்துப்பெறும் போராட்டத்தினை முன்னெடுத்துவருகின்றனர்.
அரசாங்கம் வேலையற்ற பட்டதாரிகளுக்கான நியமனங்களை வழங்க வலியுறுத்தி மேற்கொள்ளப்பட்டுவந்த இந்த போராட்டத்தின் இறுதிநாளான இன்று நூற்றுக்கணக்கான பட்டதாரிகள் கலந்துகொண்டு கையொப்பங்களை இட்டனர்.
சேகரிக்கப்படும் கையெழுத்துக்கள் கிழக்கு மாகாண ஆளுனர் மற்றும் ஜனாதிபதி ஆகியோருக்கு அனுப்பிவைக்கப்படவுள்ளதாக வேலையற்ற பட்டதாரிகள் தெரிவிக்கின்றனர்.
மட்டக்களப்பு மாவட்டத்தில் பாடசாலைகளில் பல ஆசிரிய வெற்றிடங்கள் உள்ளதாகவும் அவற்றிற்கு பட்டதாரிகளை இணைத்துக்கொள்ளுமாறு கிழக்கு மாகாண ஆளுனரை வலியுறுத்தவுள்ளதாகவும் மட்டக்ககளப்பு மாவட்ட வேலையற்ற பட்டதாரிகள் க.அனிதன் தெரிவித்தார்.
No comments