மட்டக்களப்பு போதனா வைத்தியசாலை தாதியர் தின நிகழ்வு

(லியோன்)

சர்வதேச தாதியர் தின நிகழ்வு (14) ஞாயிற்றுக்கிழமை  மட்டக்களப்பில் நடைபெற்றது , 

மட்டக்களப்பு போதனா வைத்தியசாலை தாதியர் நலன்புரி சங்கத்தின் ஏற்பாட்டில் தாதிய சங்க  தலைவர் புஸ்பராஜா தலைமையில் சர்வதேச தாதியர் தின நிகழ்வு மட்டக்களப்பு போதனா வைத்தியசாலை  கேட்போர் கூடத்தில்  நடைபெற்றது . 

ஆரம்ப நிகழ்வாக மங்கள விளக்கேற்றலுடன் தேசிய கீதம் இசைக்கப்பட்டு நிகழ்வுகள் ஆரம்பமானது . 

இதனை தொடர்ந்து  தாதிய உத்தியோகத்தர்களின்  கலை நிகழ்வுகளும் , தரம் ஐந்து புலமைப்பரிசில் பரீட்சையில் சித்தியடைந்த தாதிய உத்தியோகத்தர்களின் பிள்ளைகளுக்கு பரிசில்களும் வழங்கப்பட்டது .

இந்நிகழ்வில்  மட்டக்களப்பு போதனா வைத்தியசாலை பிரதி பணிப்பாளர் திருமதி .கே . கணேசலிங்கம் மற்றும் போதனா வைத்தியசாலை வைத்திய அதிகாரிகள் , வைத்தியசாலை தாதிய உத்தியோகத்தர்கள் கலந்துகொண்டனர்