சங்கத்தின் தலைவர் தா.அன்டனி தலைமையில் நடைபெற்ற இந்த நிகழ்வில் மட்டக்களப்பு மாநகர ஆணையாளர் மா.உதயகுமார் பிரதம அதிதியாக கலந்துகொண்டார்.
சிறப்பு அதிதியாக மாநகரசபையின் பிரதி ஆணையாளர் என்.தனஞ்சயன் மற்றும் முன்னாள் தலைவர் உட்பட பலர் கலந்துகொண்டனர்.
மட்டக்களப்பு மாநகரசபையில் கடமையாற்றும் ஊழியர்களின் நன்மை கருதி ஆரம்பிக்கப்பட்ட இந்த சங்கமானது ஒரு ஊழியர் ஓய்வுபெற்று செல்லும்போதும் அவரின் இறுதிக்காலம் வரையில் உதவும் வகையிலான செயற்பாடுகளை மேற்கொண்டுவருகின்றது.
இந்த கூட்டத்தின்போது சங்கத்தின் செயற்பாடுகள் தொடர்பிலும் எதிர்காலத்தில் சங்கத்தின் செயற்பாடுகளை விரிவுபடுத்தல் தொடர்பிலும் ஆராயப்பட்டது.
அத்துடன் 2015-16ஆம் ஆண்டுக்கான புதிய நிர்வாக உறுப்பினர்கள் தெரிவும் நடைபெற்றதுடன் ஊழியர்களின் நலன்கள் தொடர்பிலும் கலந்துரையாடப்பட்டது.
