( லியோன் ) ஹேடன் நேஷனல் வங்கியின் கிழக்கு பிராந்திய கிளைகளின் 2015 ஆண்டுக்கான விளையாட்டு விழா ஹேடன் நேஷனல் வங்கி பிரதி பொது முகாமையாளர் திமால் பெரேரா தலைமையில் இன்று மட்டக்களப்பு முகத்துவாரம் லைட் ஹவுஸ் விளையாட்டு கழக மைதானத்தில் இடம்பெற்றது .
இவ் விளையாட்டு விழாவில் கிரிகெட் , உதைப்பந்தாட்டம் , கயிர் இழுத்தல் மற்றும் பல சுவாரசியமான விளையாட்டு நிகழ்வுகள் இடம்பெற்றன .
இன்று இடம்பெற்ற விளையாட்டு விழாவில் முதல் போட்டியாக கிழக்கு பிராந்திய கிளை அணிகளுக்கிடையில் கிரிகெட் சுற்றுப்போட்டி ஆரம்பமானது .
இடம்பெற்ற கிரிகெட் சுற்றுப்போட்டியில் ஆண்கள் பிரிவில் கல்முனை கிளை அணியினரும் ,பெண்கள் பிரிவில் மட்டக்களப்பு கிளை அணியினரும் வெற்றி பெற்றனர் . தொடர்ந்து இடம்பெற்ற உதைப்பந்தாட்ட போட்டியில் அம்பாறை மாவட்ட கிளை அணியினர் வெற்றி பெற்றனர் . அதனை தொடர்ந்து ஆரம்பமான கயிர் இழுத்தல் போட்டியில் பெண்கள் பிரிவில் மட்டக்களப்பு மாவட்ட கிளை அணியினரும் ஆண்கள் பிரிவில் திருகோணமலை மாவட்ட கிளை அணியினரும் வெற்றி பெற்று 2015 ஆண்டுக்கான வெற்றி கிண்ணங்களை சுவிகத்துக்கொண்டனர் .
இவ்விளையாட்டு விழாவில் வலையமைப்பு உதவி பொது முகாமையாளர் ரோஹான் தம்பிராஜா ,கொழும்பு பிராந்திய சிரேஷ்ட முகாமையாளர் . நிரோசன் பெரேரா ,மட்டக்களப்பு பிராந்திய சிரேஷ்ட முகாமையாளர் சுபுன் டயஸ் ,கிழக்கு பிராந்திசிரேஷ்ட முகாமையாளர் .சி . ஜெகராஜா மற்றும் கிழக்கு பிராந்திய கிளைகளின் உத்தியோகத்தர்களும் கலந்துகொண்டனர் .
