மட்டக்களப்பு மாவட்டத்தின் போரதீவுப்பற்று பிரதேச செயலகம்,மண்முனை தென் மேற்கு பட்டிப்பளை பிரதேச செயலகம்,மண்முனை மேற்கு வவுணதீவு பிரதேச செயலகம் ஆகியவற்றிற்கான போக்குவரத்துப்பாதைகள் துண்டிக்கப்பட்டுள்ளன.
பட்டிருப்பு பாலத்தின் ஊடான போக்குவரத்து துண்டிக்கப்பட்டுள்ளதன் காரணமாக போரதீவுப்பற்று பிரதேச செயலக பிரிவிற்கான போக்குவரத்துகளும் மண்முனைப்பாலத்தின் ஊடான போக்குவரத்து துண்டிக்கப்பட்டுள்ளதனால் மண்முனை தென் மேற்கு பட்டிப்பளை பிரதேச செயலகத்திற்கான போக்குவரத்துகளும் வலையிறவுபாலம் மற்றும் சுமைதாங்கியடி ஊடாக வெள்ள நீர் பாய்வதன் ஊடாக மண்முனை மேற்கு வவுணதீவு பிரதேச செயலகத்திற்கான போக்குவரத்துகளும் துண்டிக்கப்பட்டுள்ளன.
இதன்காரணமாக எழுவான் கரையிலிருந்து படுவான்கரைக்கு செல்வோரும் படுவான்கரையிலிருந்து எழுவான் கரைக்கு வருவோரும் பெரும் கஸ்டங்களை எதிர்நோக்கியுள்ளனர்.
அவசர தேவைக்காக செல்வோரின் நன்மை கருதி உள்ளுராட்சிமன்றங்கள் ஊடாக உழவு இயந்திரங்கள் ஊடாக போக்குவரத்துகள் முன்னெடுக்கப்பட்டுவருகின்றன.
இதேபோன்று மட்டக்களப்பு நகருக்கு வரும் பிரதான வீதியான திருமலை-மட்டக்களப்பு வீதியுடாக வெள்ள நீர் பாய்வதன் காரணமாக போக்குவரத்துச்செய்வதில் பெரும் சிரமங்கள் எதிர்நோக்கப்பட்டுவருகின்றனர்.
வெள்ள அனர்த்தகாலத்தில் போக்குவரத்துச்செய்வோர் அவதானத்துடன் செயற்படுமாறு மாவட்ட அனர்த்தமுகாமைத்துவ நிலையம் தொடர்ச்சியாக அறிவுறுத்தல்களை விடுத்துவருகின்றது.தேவையற்ற வகையில் அனர்த்த பகுதிகளுக்கு செல்லவேண்டாம் எனவும் வேண்டுகோள் விடுக்கப்பட்டுள்ளது.
