கட்டுவன் முத்துமாரி அம்மன் கோவில், வசாவிளான் மணம்பிராய் கோவில் , வசாவிளான் சிவன் கோவில் , வசாவிளான் நாக கோவில் , பலாலி ராஜ ராஜேஸ்வரி கோவில் , பலாலி நாக தம்பதி கோவில் , பலாலி சக்திவேல முருகன் கோவில் உள்ளிட்ட 07 கோவில்களுக்கு அனுமதி வழங்க இலங்கை இராணுவம் நடவடிக்கை எடுத்துள்ளது.
இலங்கை இராணுவம் எடுத்த தீர்மானத்தின்படி மேற்படி இந்துக் கோவில்களில் வாராந்திர பூஜைகளை மேற்கொள்ள பொதுமக்கள் அனுமதிக்கப்பட்டனர். யாழ்ப்பாண பாதுகாப்பு படைத் தலைமையகத்தின் கட்டளைத் தளபதி மேஜர் ஜெனரல் சந்தன விக்கிரமசிங்கவிற்கு வாராந்த பூஜைகளை அனுமதிக்குமாறு கோவிலின் அறங்காவலர்கள் மற்றும் சிவில் அமைப்புக்கள் விடுத்த பல கோரிக்கைகளை கருத்திற்கொண்டு வாராந்த பூஜைகள் மற்றும் ஏனைய சடங்குகளை நடத்துவதற்கு அனுமதி வழங்குவது தொடர்பான தீர்மானம் எடுக்கப்பட்டுள்ளது. முன்னதாக, மேற்படி கோவில் வளாகத்தில் மாதாந்திர பூஜை மற்றும் இதர சிறப்பு பூஜைகளுக்கு மட்டுமே அனுமதி வழங்கப்பட்டது.
மேலும், கடந்த வெள்ளிக்கிழமை (23) ஆரம்பமான வாராந்த பூஜையில் 291 பொதுமக்கள் பங்கேற்பார்கள் என தெல்லிப்பளை பிரதேச செயலகம் யாழ்ப்பாணம் பாதுகாப்பு படைத் தலைமையகத்திற்கு அறிவித்திருந்த போதிலும், 50 பேர் மாத்திரமே சடங்குகளில் கலந்துகொண்டனர். அதன்படி, கட்டுவன் முத்துமாரி அம்மன் கோவில், வசாவிளான் மணம்பிறை கோவில், வசாவிளான் சிவம் கோவில், வசாவிளான் நாக கோவில் உள்ளிட்ட நான்கு கோவில்களுக்கு மட்டுமே பக்தர்கள் வருகை தந்தனர்.
குறித்த பூஜைகள் மற்றும் ஏனைய சடங்குகளின் முழு காலத்திற்கும் பக்தர்களுக்கு சுகாதாரம், போக்குவரத்து உட்பட தேவையான அனைத்து வசதிகளையும் இலங்கை இராணுவம் வழங்கியது. இந்நிகழ்வில் தெல்லிப்பளை பிரதேச செயலாளரின் பங்குபற்றுதலும் இடம்பெற்றது.
.jpeg)
