வாசிப்பு மனிதனை முழுமையடையச்செய்கின்றது என்ற தொனிப்பொருளில் நடைபெற்றுவந்த தேசிய வாசிப்பு மாததிற்கு இணையாக இந்த மாபெரும் புத்தக கண்காட்சியும் மலிவு விற்பனையும் ஆரம்பிக்கப்பட்டுள்ளது.
மட்டக்களப்பு மாநகரசபையானது பூபாலசிங்கம் புத்தக நிலையத்துடன் இணைந்து இந்த கண்காட்சியை ஆரம்பித்துள்ளது.
புத்தக கண்காட்சியும் மலிவு விற்பனையும் மட்டக்களப்பு மாநகர ஆணையாளர் க.சித்திரவேல் தலைமையில் திறந்துவைக்கப்பட்டது.
இந்த நிகழ்வில் பிரதம அதிதியாக மட்டக்களப்பு மாநகரசபை முதல்வர் தி.சரவணபவன் கலந்துகொண்டதுடன் சிறுப்பு அதிதிகளாக கிழக்கு மாகாண கல்வி அமைச்சின் மேலதிக செயலாளர் வே.தவராஜா, மட்டக்களப்பு மாவட்ட உதவிஉள்ளுராட்சி ஆணையாளர் கே.பிரகாஸ்,மட்டக்களப்பு மாநகரசபையின் உதவி ஆணையாளர் என்.தனஞ்செயன் உட்பட பலர் கலந்துகொண்டனர்.
இன்று ஆரம்பித்துள்ள புத்தக கண்காட்சியானது எதிர்வரும் செவ்வாய்க்கிழமை வரையில் நடைபெறவுள்ளது.
இந்த கண்காட்சியானது காலை 9.00மணி தொடக்கம் இரவு 9.00மணி வரையில் திறந்திருக்கும் எனவும் அறிவிக்கப்பட்டுள்ளது.இந்த கண்காட்சியில் மட்டக்களப்பு தொடர்பான பல வரலாற்று நூல்களும் காட்சிப்படுத்தப்பட்டுள்ளமை குறிப்பிடத்தக்கது.
அருகிவரும் இளம் சமூகத்தின் மத்தியிலான வாசிப்பு திறனை மேம்படுத்தும் வகையில் இவ்வாறான கண்காட்சிகளுக்கு அரசாங்கம் முக்கியத்துவமளித்துவருகின்றது.
