மட்டக்களப்பு மாநகரசபையின் ஆணையாளர் எம் .உதயகுமார் பதிவியுயர்வுபெற்று இடமாற்றம் பெற்று சென்றுள்ளதை தொடர்ந்து மட்டக்களப்பு மாநகர சபைக்கு புதிய ஆணையாளராக முன்னாள் மண்முனை வடக்கு பிரதேச செயலாளர் வி .தவராஜா தனது கடமைகளை இன்று பொறுப்பேற்றுக்கொண்டார் .
புதிய ஆணையாளரை வரவேற்கும் நிகழ்வு இன்று இடம்பெற்றது . ஆரம்ப நிகழ்வாக மாநகர வளாகத்தில் உள்ள ஆலயத்தில் பூஜை வழிபாடுகள் இடம்பெற்றது இதனை தொடர்ந்து மாநகர மண்டபத்தில் வரவேற்பு நிகழ்வு இடம்பெற்றது .
இந்நிகழ்வில் மாநகர சபை அலுவலக அனைத்து உத்தியோகத்தர்களும் ,ஊழியர்களும் மற்றும் மட்டக்களப்பு வர்த்தக சங்க உறுப்பினர்களும் கலந்துகொண்டனர்.
இதேவேளை மட்டக்களப்பு மண்முனை வடக்கு பிரதேச செயலகத்திற்கு புதிய பிரதேச செயலாளராக முன்னாள் கிழக்கு மாகாண கிராமிய கைத்தொழில் பணிப்பாளர் கே . குணநாதன் தனது கடமைகளை இன்று பொறுப்பேற்றுக்கொண்டார்.
