தமக்குக் கிடைக்கபெற்ற ரகசியத் தகவலையடுத்து கல்முனைக்குடி 12, பழைய தபாலக வீதியைச் சேர்ந்த முஹைதீன் பாபா சாலிம்மா (வயது 75) என்பவர் ஞாயிற்றுக்கிழமை பிற்பகல் கைது செய்யப்பட்டார். அவரிடமிருந்து 4 கிராம் 65 மில்லி கிராம் மற்றும் 4 கிராம் 9 மில்லி கிராம் ஆகிய அளவுகள் கொண்ட விற்பனைக்காக வைக்கப்பட்டிருந்த 2 கஞ்சாக் கட்டுக்கள் கைப்பற்றப்பட்டன.
கல்முனை தலைமையக பொலிஸ் அதிகாரி அப்துல் கப்பார் தலைமையிலான பொலிஸ் அணியினர் இந்த சோதனையை மேற்கொண்டிருந்தனர்.
சந்தேக நபரான மூதாட்டி ஞாயிறன்று கல்முனை பதில் நீதிவான் எம்.கே. பேரின்பராஜா முன்னிலையில் ஆஜர்படுத்தப்பட்டபோது அவரை எதிர்வரும் நொவெம்பெர் 6 ஆம் திகதி வரை விளக்கமறியலில் வைக்குமாறு நீதிவான் உத்தரவிட்டார்.
கல்முனைப் பொலிஸார் சம்பவம் தொடர்பான மேலதிக விசாரணைகளில் ஈடுபட்டுள்ளனர்.
