முன்னாள் பாராளுமன்ற உறுப்பினர் பியசேன விபத்தில் படுகாயமடைந்த நிலையில் வைத்தியசாலையில் அனுமதி

வி.சுகிர்தகுமார் 0777113659 

முன்னாள் பாராளுமன்ற உறுப்பினர் பி.எச்.பியசேன விபத்தொன்றில் சிக்கி வைத்தியசாலையில் அனுமதிக்கப்பட்டுள்ளார்.

இன்று காலை இச்சம்பவம் நடைபெற்றுள்ளது.
அக்கரைப்பற்று பொத்துவில் பிரதான வீதியில் அக்கரைப்பற்று ஆலையடிவேம்பு பொதுமயானத்திற்கு முன்பாக இச்சம்பவம் இடம்பெற்றுள்ளது.

மோட்டார் சைக்கிளில் பயணித்துக்கொண்டிருந்த அவர் பொத்துவில் பிரதேசத்தில் இருந்து பொலநறுவை நோக்கி பயணித்துக்கொண்டிருந்த தனியார் பஸ்சினால்  மோதுண்ட நிலையில் இவ்விபத்து இடம்பெறுள்ளதாக தெரிவிக்கப்படுகின்றது.

விபத்தில் படுகாயமடைந்தவர் அக்கரைப்பற்று ஆதார வைத்தியசாலையில் தீவிர சிகிச்சைப்பிரிவில் அனுமதிக்கப்பட்டு சிகிச்சை வழங்கப்பட்டு வருவதாக வைத்தியசாலை தகவல்கள் தெரிவிக்கின்றன.

அக்கரைப்பற்று பொலிசார் விபத்து தொடர்பான விசாரணைகளை ஆரம்பித்துள்ளனர்.