கொவிட் -19 பரவல் தீவிரமடைந்துள்ள நிலையில்: நாடளாவிய பொது முடக்கம் இல்லை

நாட்டில் கொரோனா தொற்றுப் பரவல் தீவிரமடைந்து வரும் நிலையில், நாடளாவிய பொது முடக்கம் தொடர்பில் எத்தகைய தீர்மானமும் மேற்கொள்ள வில்லை என அரசாங்கம் தெரிவித்துள்ளது.

எனினும் வைரஸ் பரவலைக் கட்டுப்படுத்த அமுல்படுத்தப்பட்டுள்ள நடவடிக்கைகள் மேலும் கடுமையாக்கப்படும் என இராஜாங்க அமைச்சர் சன்ன ஜயசுமண தெரிவித்துள்ளார்.

இன்று ஜனாதிபதியுடன் முன்னெடுக்கப்பட்ட கலந்துரையாடலைத் தொடர்ந்தே அவர் இவ்வாறு தெரிவித்துள்ளார்.

விரைவில் பல கட்டுப்பாடுகள் விதிக்கப்படவுள்ள தாகவும் அவர் தெரிவித்தார்.

கொவிட் -19 பரவலைக் கட்டுப்படுத்த பல முன்மொழிகள் முன்வைக்கப்பட்டுள்ளன.

சுகாதார அதிகாரிகள் சமர்ப்பித்த முன்மொழிவுகளை பரிசீலித்த பின்னரே முடிவுகள் எடுக்கப்பட்டன என அவர் குறிப்பிட்டார்.

இது தொடர்பிலான புதிய கட்டுப்பாடுகள் இராணுவத் தளபதி ஜெனரல் சவேந்திர சில்வாவினால் இன்று அறிவிக்கப்படும் என எதிர்பார்க்கப்படுகிறது.